काठमाडौं । नेपालमा आइतबार कोरोनाबाट २४ जनाको मृत्यु भएको छ । आइतबार थपिएका २४ जना सहित नेपालमा मृत्यु हुनेको संख्या १० हजार ७१४ पुगेको छ । त्यस्तै आइतबार १३८८ जनामा कोरोना संक्रमण पुष्टि भएको छ ।
पछिल्लो २४ घण्टामा ७२५९ पीसीआर परीक्षणमा १२१४ जना र ३०३८ एन्टिजेन परीक्षणमा १७४ जना गरी १३८८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यो सहित नेपालमा कोरोना संक्रमितको कुल संख्या ७ लाख ५९ हजार २२२ पुगेको छ । मन्त्रालयका अनुसार २२६० जना संक्रमणमुक्त भएका छन् ।
मन्त्रालयका अनुसार कोरोना संक्रमणका कारण २४ जनाको मृत्यु भएको छ । यसैबिच यो समाचार तयार पार्दासम्म देशभर सक्रिय संक्रमितको संख्या ३५ हजार ७९६ जना रहेको मन्त्रालयले जनाएको छ । जसमध्ये ३२ हजार ७४४ जना होम आइसोलेसनमा रहेका छन् भने ३ हजार ५५२ जना स्वास्थ्यकेन्द्रमा रहेका छन् ।
