काठमाण्डौ – अफगानिस्तानको काबुलबाट उद्धार गरेर कुवेत पुर्याइएका थप ८७ जना नेपाली काठमाण्डौ आइपुगेका छन् । त्रिभुवन अन्तर्राष्ट्रिय विमानस्थलका अनुसार उनीहरु गएराति ११ बजे जजिरा एअरमाफर्त कुवेतबाट काठमाडौं आइपुगेका हुन् ।
अमेरिकी सरकारको बन्दोबस्तीमा नेपालीहरु काठमाण्डौ आइपुगेको त्रिभुवन अन्तर्राष्ट्रिय विमानस्थल कार्यालयले जनाएको छ । हिजो बिहान १ सय १८ जना नेपाली काठमाण्डौ आइपुगेका थिए ।नेपाल ल्याइएकामध्ये सबैको कोरोना परीक्षण गरिएको छ, संक्रमण देखिएकालाई उपचार पछि घर पठाइने र संक्रमण नभएकालाई सिधै घर पठाइने बताइएको छ ।
अमेरिकी दूतावासमा सुरक्षागार्डका रूपमा रहेका ३ सय ८५ मध्ये २ सय ५ जना नेपाल आइपुगेका छन् ।
