काठमाडौँ १ भदौ । अफगानिस्तानमा रहेका १२७ जना नेपाली काठमाडौं आइपुगेका छन् । उनीहरु अमेरिकी एयरफोर्सको सहायतामा कतार पुगेका थिए ।
आज जजिरा एयरको विमानमार्फत् कतार हुँदै उनीहरु काठमाडौंको त्रिभुवन अन्तर्राष्ट्रिय विमानस्थलमा अवतरण गरेका हुन् ।
अफगानिस्तानबाट उद्दार गरिएका नेपालीलाई लिन त्रिभुवन अन्तर्राष्ट्रिय विमानस्थलमा नेपाली सेनाको टोली पुगेको छ ।
उनीहरु सबैलाई सामाखुसीस्थित एक आइसोलेसन सेन्टरमा राखिने जनाइएको छ । त्यसपछि मात्र घर पठाइने जनाइएको छ ।
