अफगानिस्तानको राजधानी काबुल तालिवान लडाकुले नियन्त्रणमा लिईसके पछि त्यहाको अवस्था एकदमै चिनताजनक रहेको बिभिन्न अन्र्तराष्ट्रिय संचारमाध्यमहरुले जनाएका छन् । तालिवानको डरले त्यहाका नागरिकले देश छोड्न सुरु गरिसकेका छन् । उनीहरु दोस्रो मुलुक जानका लागि एयरपोर्टमा प्लेन चढ्न लाई तछाड मछाड गरिरहेको दृश्यले सबैलाई ध्यान केन्द्रित गरिदिएको छ ।
त्यतिमात्र हैन काबुल एयरपोर्टको अवस्था देख्दा जो कोहीलाई मन दुख्छ । यतिबेला काबुल बिमानस्थल देश छोड्ने नागरिकहरुको भीडले अस्त ब्यस्त बनेको छ । यसैक्रममा एयरपोर्ट बाट एउटा भिडियो फुटेज आएको छ जस्ले त्यहाँको अवस्था कति भयानक छ भन्ने बिश्व माझ छर्लङ्ग पारिदिएको छ ।
भिडियो हेरेर पत्याउनै सकिन्न कि मान्छेले यति सम्म गर्न सक्छ भनेर । एयरपोर्टको रनवे सम्म छिर्न मुश्किल पर्ने अहिले प्लेनमै जबरजस्ती घुसिरहेका छन् । अफगानी जनता अमेरिकी बिमान संगै दौडिएको सबैभन्दा भयावह तस्बीर आईरहेका बेला अर्काे भिडियो आएको छ जस्ले संसारनै हल्लाई दिएको छ ।
बिमानमा जबरजस्ती घुस्रिएका ३ जना अफगानी नागरिक उड्दै गरेको बिमान बाट झरेको भिडियोले सबैलाई रुवाएको छ । ३ जना अफगानी नागरिक बिमानमा जबरजस्ती घुसेका थिए । जब बिमानले उडान भर्छ तब उनीहरु भूईमा झरेका छन् ।
