म्यानचेस्टर युनाईटेडले इंग्लिस प्रिमियर लिग फुटबलको पहिलो खेलमा नै शानदार जित हाँसिल गर्दै बिजयी सूरुवात गरेको छ । आज भएको आफ्नो पहिलो खेलमा लिड्स युनाईटेडलाई एकका बिरुद्ध पाँच गोल अन्तरले स्तब्ध बनाउँदै युनाईटेडले उत्कृष्ट सुरुवात गरेको हो ।
आजको खेलमा युनाईटेडका लागि ब्रुनो फर्नान्डेज नायक बने । घरेलु मैदानमा युनाईटेडलाई जित दिलाउन ब्रुनो फर्नान्डेजले ह्याट्रिक पूरा गरे । त्यस्तै युनाईटेडका लागि ग्रीनउड र फ्रेडले पनि एक एक गोलको योगदान दिए ।
लिड्सका लागि भने लुक आयलिङले सान्त्वना स्वरुप एक गोल फर्काएका थिए । यो जितसँगै युनाईटेडले आफ्नो खातामा हिलो खेलमा नै महत्वपूर्ण ३ अंक जोड्न सफल भएको छ । युनाईटेड तालिकाको शीर्ष स्थानमा रहेको छ । लिड्सले भने हारबाट नयाँ सिजनको सुरुवात गरेको छ ।
