काठमाडौँ २७ साउन । नेकपा (एमाले)का नेता भीम आचार्यले पार्टी एकताको लागि गठन भएको कार्यदलको १० बुँदे सहमति सम्मानजनक एकताको आधार रहेको भन्दै त्यसमा नै टेकेर समस्याको हल गर्दै जानुपर्ने पनि बताएका छन् ।
वरिष्ट नेता माधव नेपाल समुहका नेता आर्चायले आज समाजिक सञ्जाल मार्फत यस्तो बताएका हुन् । उनले हाल पार्टी एकताको कुरा गर्नेहरुमाथि आक्रमण गर्ने, निरुत्साहित–हतोत्साहित गर्न खोज्ने, अनेक आरोप लगाएर बदनाम गर्ने प्रयासहरु भइरहेका छन् । त्यसबाट एकता पक्षधरहरु हतोत्साहित हुनु नुहने भनेका छन् ।
“टुट-फुट र बिभाजन कारी प्रबृत्ति लाई हतोत्साहित गर्दै संगिन घडी मा पुगेको पार्टी एकता को रक्षा गर्न र त्यसमा बल प्रदान गर्न उनले देश-विदेशमा रहनुभएका सम्पूर्ण न्याय प्रेमी नेपाली दाजुभाई दिदी बहिनीहरु मा हार्दिक अपिल समेत गरेका छन् ।
नेकपा एमालेका देश बिदेशमा भयका लाखौं कार्यकर्ता,समर्थक,सुभचिन्तक तथा जनसमुदाय हरु नेपालको बामपन्थी आन्दोलन र नेकपा एमाले को एकताको पक्ष्यका छन् तर उनिहरु पार्टी बचोस भन्नै अपेक्षा गर्ने तर केही गर्न नसक्ने तमासे जस्ता भयका छन र विडम्बना उनीहरु नेतृत्व विहिन पनि छन्।” उनले लेखेका छन्
उनले लेखेका छन् ,
यतिबेला नेकपा एमाले मा बिभाजन कारी प्रबृत्ति हाबि भएको ले यो गम्भिर संकटबाट गुज्रिरहेको छ।
(१) एकातिर गत फागुन २८ गते बाट सुरु भएको बिभाजन कारी प्रबृत्ति हरु कतिपय बोलि, बचन, काम, ब्यवहार र निर्णय हरु मा हालसम्म पनि प्रकट भैरहेका छन्।
(२) अर्कोतिर त्यो प्रवृत्तिको बिरोध मा पार्टी एकता को झण्डा उठाउनु पर्ने अपेक्षा गरिएको पक्ष्यका काम, कारबाही,सर्त,माग र गतिविधि हरु बिभाजन कै पक्ष्यमा प्रकट भैरहेका हुन कि भन्ने आशंका बढेर गएको छ।
(३)पक्ष्य २ वटा प्रबृति एउटै बिभाजन कारी नहोस् भन्ने आम कार्यकर्ताको अपेक्षा हो।
(४)दुनियाभरकै प्रतिकृयावादी शक्ति हरु, देशभित्रका प्रतिगामी सत्ता च्युत तत्वहरू र राम्रो काम गरेर होईन अरुलाई बिगारेर, छिर्के लगाएर, फुटाएर सत्तामा जान लालायीत प्रतिश्पर्धि शक्ति नेकपा एमालेलाई फुटाउने प्रयत्न गरीरहेको छ।
(५) नेकपा एमालेका देश बिदेशमा भयका लाखौं कार्यकर्ता,समर्थक,सुभचिन्तक तथा जनसमुदाय हरु नेपालको बामपन्थी आन्दोलन र नेकपा एमाले को एकता को पक्ष्यका छन् तर उनिहरु पार्टी बचोस भन्नै अपेक्षा गर्ने तर केही गर्न नसक्ने तमासे जस्ता भयका छन र विडम्बना उनी हरु नेतृत्व विहिन पनि छन्।
(६)गत असार २७ गते भएको १०बुदे सहमति सम्मान जनक पार्टी एकता को मुख्य आधार हो। यसैमा टेकेर एकता को शुभारम्भ गर्दै थप समस्या हरु हल गर्दै जान सकिन्छ।विना जालझेल, छलछाम र हिच्किचाहट रुपमा यसलाई लागु गर्नु पर्दछ।
(७)हाल पार्टी एकता को कुरा गर्ने हरु माथि आक्रमण गर्ने, निरुत्साहित-हतोत्साहीत गर्न खोज्ने, अनेक आरोप लगाए र बदनाम गर्ने प्रयास हरु भैरहेका छन्। त्यसबाट एकता पक्ष्यधरहरु हतोत्साहित हुनु हुदैन।
(८)टुट-फुट र बिभाजन कारी प्रबृत्ति लाई हतोत्साहित गर्दै संगिन घडी मा पुगेको पार्टी एकता को रक्षा गर्न र त्यसमा बल प्रदान गर्न म देश-विदेशमा रहनुभएका सम्पूर्ण न्याय प्रेमी नेपाली दाजुभाई दिदी बहिनी हरु मा हार्दिक अपिल गर्दछु।
