काठमाडौं- बेपत्ता भएका व्यास गाउँपालिका २ मालगाउँका जयसिंह धामीको ड्रोन क्यामेराबाट महाकाली नदीमा खोजी गरिने भएको छ ।भारतीय सीमा सुरक्षा बल (एसएसबी) ले तुइन फुकालिदिएपछि धामी बेपत्ता भएका थिए । घटनाको अनुसन्धान गर्न सरकारले गृह मन्त्रालयका सहसचिव जनार्दन गौतमको नेतृत्वमा टोली बनाएको थियो ।
१९ साउनदेखि सरकारी टोली दार्चुलामै छ । सरकारले जयसिंहको खोजी गर्न टोलीलाई निर्देशन खोजीका लागि ड्रोन उडाउँन लागिएको बताइएको छ ।
सीमा नदीमाथि ड्रोन उडाउन जिल्ला प्रशासन कार्यालय दार्चुलाले भारतको पिथौरागढ जिल्लाका डिएम कार्यालयलाई पत्राचार गरेको बताइएको छ । तुइन लगाइएको व्यास गाउापालिका २ मालघाटदेखि सदरमुकाख खलंगासम्मको नदी र किनार क्षेत्रमा ड्रोन क्यामेराबाट खोजी गरिने बताइएको छ ।
