काठमाडौं । पछिल्लो २४ घण्टामा काठमाडौं उपत्यकामा ९५१ जना कोभिड संक्रमित थपिएका छन् । जसमा काठमाडौंमा ७४०, भक्तपुरमा ५६ र ललितपुरमा १५५ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।
योसँगै काठमाडौंमा सक्रिय संक्रमितको संख्या १० हजार ३८३ तथा देशभर ३५ हजार ४८५ पुगेको छ । आज देशभर ३१ हजार ९६३ जना होम आइसोलेसनमा, ३ हजार ५२२ जना संस्थागत आइसोलेसनमा, ८०२ जना आईसीयू तथा १८१ जना भेन्टिलेटरमा रहेका छन् ।
यस्तै पछिल्लो २४ घण्टामा देशभर २५४८ जनामा कोरोना पुष्टि भएको छ । देशका विभिन्न जिल्लामा १२ हजार ३७८ जनाको नमूना परीक्षण गर्दा २ हजार ५४८ जनामा सङ्क्रमण पुष्टि भएको हो ।
त्यस्तै सोही अबधीमा २ हजार २९ जना सङ्क्रमणमुक्त भएका छन् । संक्रमितमध्ये हालसम्म ६ लाख ६९ हजार २९९ जना निको भएका छन् । यससँगै देशभर कोरोना संक्रमितको कुल संख्या पीसीआरबाट ७ लाख १४ हजार ८७७ जना पुगेको छ ।
