काठमाडौं २२ साउन । पछिल्लो २४ घण्टामा नेपालमा थप ३ हजार ७२९ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या ७ लाख १० हजार ५०९ पुगेको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा ९ हजार ४ सय ९३ पीसीआर परीक्षण गर्दा २ हजार ४३० जना र ६ हजार १८२ एन्टिजेन परीक्षण गर्दा १ हजार २ सय ९९ गरी ३ हजार ७२९ जनामा कोरोना भाइरसको संक्रमण पुष्टि हो ।
यस्तैगरी, पछिल्लो २४ घण्टामा कोरोना संक्रमणबाट २५ जनाले ज्यान गुमाएका छन् । त्यस्तै, पछिल्लो २४ घण्टामा देशभरबाट १ हजार ८८५ जनाले मात्र कोरोनालाई जित्न सफल भएको स्वास्थ्य मन्त्रालयले जनाएको छ ।
