गायक दिलिप लामाको आवाजमा नयाँ गीत ‘पूर्णिमा लाई हटाएर’ सार्वजनिक भएको छ। केही दिनअघि मात्र सार्वजनिक भएको यस गीतको भिडियोले दर्शक तथा स्रोताको मन जित्दैछ। गीतमा हेमराज काफ्लेको शब्द रचना तथा मनोज राज शिवाकोटीको संगीत रहेको छ।
सञ्जीव बराइलीले संगीत संयोजन गरेका छन् भने किशोर थापाको मिक्सिङ–मास्टरिङ रहेको छ। गीतको रेकर्डिङ ए वन म्युजिशियन स्टुडियोमा गरिएको हो। भिडियोमा मोनु शाह र दीपा कटुवालको जीवन्त अभिनय देख्न सकिन्छ। सुवास शाहले निर्देशन गरेको यो भिडियोले प्रेम र विछोडको भावलाई कलात्मक ढंगमा प्रस्तुत गरेको छ।
भिडियोको छायाङ्कन सुझन श्रेष्ठ र उनकी टिमले गरेका हुन् भने सम्पादन तथा कलरिङ सुवास शाहले गरेका छन्। निर्देशक सुवास शाहका अनुसार भिडियोले प्रेमको गहिरो अनुभूति दिन्छ। गीतको कथा तथा अवधारणा मोनी शाहले तयार पारेकी हुन्। उक्त गीतको म्युजिक भिडियो डिजिटल प्लेटफर्महरूमा उपलब्ध छ। दर्शक तथा स्रोताले गीतलाई मन पराउँदै सकारात्मक प्रतिक्रिया दिएका छन्।
