काठमाडौँ, ६ पुसः विश्व ध्यान दिवसको अवसरमा यहाँस्थित भारतीय दूतावासले ध्यान कार्यक्रम आयोजना गरेको छ । चिन्मय केन्द्रसँगको सहकार्यमा आज दूतावास परिसरमा ध्यान कार्यक्रम उद्घाटन समारोह आयोजना गरिएको हो ।
वैश्विक सद्भाव प्रवर्द्धन, मानसिक स्वास्थ्यलाई महत्व दिँदै ध्यान कार्यक्रम आयोजना गरिएको चिन्मय केन्द्रले जनाएको छ । ध्यान अभ्यास गर्न केन्द्रका सदस्य, दूतावासका अधिकारीलगायतको सहभागिता थियो ।
