काठमाडौँ । कपन भुजेल समाजले ‘भुजेल’ जातिको मौलीक पर्व ‘उधौली’ (प्हुगाल पारिम) भव्य तरिकाले मनाएको छ । गोकर्णेश्वर नगरपालिका वडा न ४ स्थित राष्ट्रिय शहीद पार्कमा एक भव्य कार्यक्रमको आयोजना गरी भुजेलहरुले उधौली पर्व मनाएको हो । कपन भुजेल समाजका अध्यक्ष आसबहादुर भुजेल, भुजेल समाजका केन्द्रीय महासचिव हिलारी बन्दु भुजेल, भुजेल भाषा र धर्मका अभियन्ता तथा फोह्रो बालकुमार भुजेल, कोसी प्रदेश सहसचिव उमेश भुजेल लगायतका करिव दुईसय भुजेलहरुको उपस्थितीमा कार्यक्रमको आयोजना गरि भुजेलहरुले उधौली मनाएका हुन् ।
भुजेल जातिहरूले प्रकृतिको पूजा गरी मंसिरे पूर्णिमालाई उधौली र वैशाखे पुर्णीमालाई उभौली पर्वको रुपमा मनाउँदै आएका छन् । विशेष गरी यश जातीले सूर्य,जल, जमिन, वायु र जंगललाई मूलदेवताको रुपमा मानी उनीहरुकै पुजा गर्दै आएका छन् ।
