काठमाडौं । गायक तथा संगीतकार नागेन्द्र श्रेष्ठको हाँसेर माग परान दिन्छु गीतको भिडिओ सार्वजनिक गरिएको छ । गायिका सुनिता कार्कीको स्वर रहेको सार्वजनिक गीतमा डिपी खनालको शब्द सिर्जना र संगीतकार नागेन्द्रको संगीत छ । राकेश गुरुगंले एरेन्ज गरेका छन् । सफल प्रेमको कथा देखाइएको भिडिओ क्लासिक फ्लेभरमा तयार पारिएको र फरक स्वादसहित आएको संगीतकार श्रेष्ठ बताउँछन् ।
म्युजिक भिडिओमा प्रवीन डिसी, शिला गजुरेल र हेमन लिम्बुको अभिनय देख्न सकिन्छ । भिडिओको निर्देशन जस बहादुर याक्खाले गरेका हुन् । दीनेश पराजुलीको छायांकन साथै राकेश दाहालको सम्पादन रहेको भिडिओ संगीतकार श्रेष्ठकै अफिसियल च्यानलबाट सार्वजनिक गरिएको हो ।
