काठमाडौं । गीतकार हरिभक्त बुढाथोकीको नयाँ गीत ‘नजरमा नजर’ (नजरमा नजर लाग्ला नि २) सार्वजनिक भएको छ । टेक विसी र सिर्मन परियारको स्वर, भीम विसीको म्युजिक, केशव बाबुको एरेञ्ज र स्यामश्वेत रसाइलीको मिक्सिङ रहेको गीतको भिडियो सार्वजनिक भएको हो ।
काजिश श्रेष्ठको निर्देशन तथा कोरियोग्राफी रहेको गीतको भिडियोमा पल शाह र खुशी कार्कीलाई फिचरिङ गरिएको छ । प्रेम भाव व्यक्त गरिएको गीतको शब्द रचना जति उत्कृष्ट गीतको भिडियो पनि त्यतिकै राम्रो बनेको छ । अर्जुन तिवारीको छायांकन रहेको गीतको भिडियोमा मिलन विश्वकर्माको सम्पादन छ । गीतको भिडियो गीतकार हरिभक्त बुढाथोकीको अफिसियल युट्युव च्यानलमार्फत सार्वजनिक गरिएको हो ।
