काठमाडौं- पछिल्लो दिनमा देशभर कोरोना संक्रमितको संख्या डर लाग्ने बढ्न थालेको छ ।२४ घण्टामा मात्रै ४ हजार १०७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार पीसीआर विधिबाट ११ हजार ३५४ जनाको कोरोना परीक्षण गर्दा २ हजार ९७५ जनामा संक्रमण पुष्टि भएको छ ।
यस्तै एन्टिजेन विधिबाट ४ हजार ९४४ जनाको परीक्षण गर्दा ११३२ जनामा पुष्टि भएको हो । यस्तै पछिल्लो २४ घण्टामा ३५ जनाको मृत्यु भएको छ । १ हजार ५३५ जनाले कोरोना जितेका छन् ।हालसम्म मृतकको कुल संख्या ९ हजार ९५७ पुगेको छ ।
