काठमाडौँ, १९ भदौ : ऊर्जा, जलस्रोत तथा सिँचाइमन्त्री दीपक खड्काले मुलुकको संस्कार र संस्कृति संरक्षणमा तीज पर्वले सहयोग पु-याएको बताउनुभएको छ ।
ऊर्जा मन्त्रालयलमा आज आयोजित तीज कार्यक्रममा मन्त्री खड्काले महिलाका पीर र वेदनालाई पोख्ने पर्वका रुपमा मनाइँदै आएको तीजले पछिल्लो समय समाज परिवर्तनमा महत्त्वपूर्ण भूमिका निर्वाह गरेको बताउनुभयो ।
मन्त्री खड्काले विभिन्न जातजाती, भाषा, धर्म, संस्कृति भएको मुलुकलाई एक सुत्रमा बाँध्न यस्ता चाडपर्वले विशेष सहयोग पुग्ने विश्वास व्यक्त गर्नुभयो । तीज पर्वलाई परिवारजनसँगको भेटको चाडपर्वका रुपमा लिनुपर्ने उहाँको भनाइ छ ।
ऊर्जा, जलस्रोत तथा सिँचाइ राज्यमन्त्री पूर्णबहादुर तामाङ, मन्त्रालयका सचिव गोपालप्रसाद सिग्देल, जल तथा ऊर्जा आयोगका सचिवालयका सचिव सुरेश आचार्यलगायतले सांस्कृतिक पर्व तीजले सबैलाई एकताबद्ध बनाएर अगाडि बढाउन सहयोग पुग्ने बताउनुभयो ।
