पोखरा-फेवातालमा डुबेका २ जनाको सशस्त्र प्रहरीले सकुशल उद्वार गरेको छ । उद्धार हुनेमा भक्तपुर घर भएका२१ वर्षिय सुगम शर्मा र २१ वर्षिया वर्षा ढुङ्गाना रहेका छन् । कास्की जिल्लाको पोखरा महानगरपालिका १८ स्थित रातोमाटा नजिकै फेवातालमा ढुंगा सयर गर्ने क्रममा पल्टियर तालमा फसेका दुई जनाको सशस्त्र प्रहरीले सकुशल उद्वार गरेको हो ।
उक्त घटनाबारे जानकारी पाउनसाथै सशस्त्र प्रहरी बल नेपाल नम्बर २४ गण कास्कीबाट फेवाताल रेस्क्यु टावरमा खटिएको विपद् व्यवस्थापन तालिम प्राप्त सशस्त्र प्रहरी तत्कालै उद्धार गरेको हो ।
निषेधाज्ञाका कारण गत वैशाख १४ गतेदेखि बन्द भएको डुङ्गा व्यवसाय साउन ६ गतेदेखि पुन सञ्चालनमा ल्याइएको हो । तालमा डुङ्गा सञ्चालन भए पनि प्रसिद्ध तालबाराही मन्दिर भने खुलेको छैन।
