काठमाडौं १८ साउन । अवैध लागूऔषधसहित प्रहरीले तीन जनालाई पक्राउ गरेको छ ।
पक्राउ पर्नेमा दोधारा चाँदनी नगरपालिका ३ बाट करिब ५ सयग्राम अवैध लागूऔषध चरेश सहित सोही ठाउँ बस्ने ३३ वर्षीय वीर बहादुर डागी ,भोजपुर हचुवा गढी गाउँपालिका ८ बस्ने २६ वर्षीय नबिन्द्र राई र सोही ठाउँ बस्ने २३ वर्षीय हेमराज राई रहेका छन् ।
यूके ०६ भी ९८७७ नम्बरको मोटरसाइकललाई ईलाका प्रहरी कार्यालय दोधारा चाँदनीबाट खटिएको प्रहरीले जाँच गर्ने क्रममा उक्त चरेश सहित वीर बहादुर डागीलाई पक्राउ गरेको हो ।
त्यसैगरी,नबिन्द्र र हेमराजको साथबाट ईलाका प्रहरी कार्यालय रामपुर ठोक्सिलाबाट खटिएको प्रहरीले को।१ ज ४५९ नम्बरको बलेरो गाडी जाँच गर्ने क्रममा एक्त गाँजा सहित बरामत गरेको हो ।
यस सम्बन्धमा थप अनुसन्धान भइरहेको प्रहरीले जनाएको छ ।
