काठमाडौं – आज तीन प्रदेशका नवनियुक्त प्रदेश प्रमुखहरूले शपथ लिँदैछन्। आज साँझ ५ बजे राष्ट्रपति कार्यालय शीतलनिवासमा प्रदेश प्रमुखहरूको शपथ ग्रहण कार्यक्रम राखिएको छ । बुधबार राष्ट्रपति रामचन्द्र पौडेलले बागमतीमा दीपकप्रकाश देवकोटा, लुम्बिनीमा कृष्णबहादुर घर्तीमगर र कर्णालीमा यज्ञराज जोशीलाई प्रदेश प्रमुखमा नियुक्त गरेका थिए ।
सत्ता समीकरण फेरबदल भएपछि सरकारले बागमती प्रदेश प्रमुख यादवचन्द्र शर्मा, लुम्बिनी प्रदेश प्रमुख अमिक शेरचन र कर्णाली प्रदेश प्रमुख तिलक परियारलाई पदमुक्त गरेको थियो ।
