जनकपुर, ६ साउन : मधेस प्रदेशका मुख्यमन्त्री सतिशकुमार सिंहले सरकारी कार्यालयमा कर्मचारीको लापरबाही बढेको जनगुनासोपछि ११ वटा मन्त्रालयमै छड्के अनुगमन गर्नुभएको छ ।
आज निरीक्षण तथा अनुगमन गर्नुहुँदै उहाँले त्यसक्रममा अधिकांश कार्यालयका कर्मचारीले समयमा हाजिर नगर्ने, स्वीकृति नलिएर बिदा बस्ने जस्ता समस्या रहेको पाइएको जानकारी दिनुभयो ।
प्रदेश सरकारकै मन्त्रालयका कर्मचारीले त्रुटि गरेको भेटिएपछि पत्र लेखेर जवाफ मारिएको मुख्यमन्त्री तथा मन्त्रिपरिषद्को कार्यालयले जनाएको छ । कार्यालय समय सुरू भएलगतै मुख्यमन्त्री सिंहले ११ वटै मन्त्रालयको निरीक्षण गर्नुभएको हो ।
