काठमाण्डौ – नेपाल टेलिकमका सेवामा आज राति रिचार्ज नहुने भएको छ। आज राति ११ बजेदेखि भोलि बिहान ६ बजेसम्म रिचार्ज र डाटा प्याकेज खरिदका सेवाहरु प्रभावित हुन नेपाल टेलिकमले जनाएको छ ।
विलिङ प्रणाली स्तरोन्नतिको परीक्षण कार्य हुने भएकाले रिचार्ज नहुने भएको हो । राति ११ बजेअघि नै रिचार्ज गर्न सकिने टेलिकमले जनाएको छ । तर मोबाइल भ्वाइस, डाटा, एसएमएस लगायतका सेवा भने चलिरहने टेलिकमको सूचनामा उल्लेख छ ।
