अत्तरिया (कैलाली)-नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ले देश समृद्ध बनाउन माओवादी घटक मिल्नुपर्ने धारणा राख्नुभएको छ । सो पार्टी निकट युवा सङ्गठन नेपालद्वारा सनिबार धनगढीमा आयोजित पाँचौँ राष्ट्रिय सम्मेलनमा उहाँले विभिन्न घटकमा छरिएका माओवादी मिल्नुपर्ने बेला आएको बताउनुभयो ।
“माओवादी मिल्नुपर्छ भन्ने झुपडी÷झुपडी र घर÷घरको आवाज छ । देश विकासका लागि माओवादी मिलिदिए हुन्थ्यो भन्ने जनताको चाहना छ”, उहाँले भन्नुभयो । उहाँले समाजवाद स्थापनाका लागि एक हुन आवश्यक रहेको बताउनुभयो ।
समाजवादी मोर्चालाई व्यापक बनाउन जरुरी रहेको बताउँदै उहाँले समाजवादी मोर्चामा एमाले पनि आओस् भन्ने आफ्नो चाहना रहेको बताउनुभयो । उहाँले देशका युवा निराश हुन नहुने बताउँदै देशका युवा निराशावादी नभइ आशावादी हुनुपर्ने बताउनुभयो ।
“जुन देशका युवा निराश हुन्छन् । त्यो देशका जनताले दुःख पाउँछन्”, उहाँले भन्नुभयो, “हाम्रा देशका युवा निराश हुनुपर्दैन । दुई छाक टार्नकै लागि विदेशिनु पर्दैन”, उहाँले भन्नुभयो, “हामी यहीँ काम गर्न सक्छौँ । तराईको जमिनमा मात्रै खेती गर्ने हो भने छ÷सात करोड मान्छेलाई खान पुग्छ ।”
