काठमाडौं, १४ साउन- मकवानपुर, हेटौंडा उपमहानगरपालिका(१९ बाट करिब ८० केजी अवैध लागूऔषध गाँजा सहित २ जनालाई बिहीबार बिहान प्रहरीले पक्राउ गरेको छ । पक्राउ पर्नेहरुमा राक्सिराङ गाउँपालिका(६ बस्ने ४३ वर्षीय ललित तामाङ र चितवन भरतपुर महानगरपालिका(२० चनौली बस्ने ३८ वर्षीय रोशन परियार रहेका छन् ।
चितवनबाट हेटौंडातर्फ आउँदै गरेको बा।११ च ९५०९ नम्बरको स्कारपियोलाई जिल्ला प्रहरी कार्यालय मकवानपुर र ईलाका प्रहरी कार्यालय नेवारपानीबाट खटिएको प्रहरीले जाँच गर्ने क्रममा स्कारपियोको पछाडि भागमा लुकाई ल्याउँदै गरेको उक्त गाँजा सहित फेला पारी स्कारपियो चालक रोशन र स्कारपियोमा सवार ललितलाई पक्राउ गरेको हो ।
पर्सा, वीरगंज महानगरपालिका(१६ शंकराचार्य गेटबाट ५ सय ५० मिलिग्राम अवैध लागूऔषध ब्राउन सुगर जस्तो देखिने खैरो पदार्थ सहित पटेर्वासुगौली गाउँपालिका(४ अकुवा बस्ने २८ वर्षीय गोविन्द पंजियारलाई बुधबार दिउँसो प्रहरीले पक्राउ गरेको छ । भारतबाट नेपालतर्फ पैदल आउँदै गरेका उनलाई प्रहरी चौकी ईनर्वाबाट खटिएको प्रहरीले जाँच गर्ने क्रममा उक्त लागूऔषधसहित फेला पारी पक्राउ गरेको हो ।
बाँके, नेपालगंज उपमहानगरपालिका(१५ जमुनाह चेकपोईन्टबाट नियन्त्रित लागूऔषध ५९ ट्याब्लेट नाइट्रोभेट र १६ ट्याब्लेट स्तास सहित सुर्खेत घर भएका १८ वर्षीय किशोरलाई बुधबार साँझ प्रहरीले पक्राउ गरेको छ । ईलाका प्रहरी कार्यालय जमुनाहबाट खटिएको प्रहरीले जाँच गर्ने क्रममा उक्त लागूऔषध सहित पक्राउ गरेको हो ।यस सम्बन्धमा प्रहरीले थप अनुसन्धान गरिरहेको छ ।
