काठमाडौँ २ जेठ । कोरोना विरुद्धको चिनियाँ खोप भेरोसेलको दोस्रो डोज आज आइतबारबाट लगाउन सुरु भएको छ । वाग्मती प्रदेशको सामाजिक विकास मन्त्रालयले एक सुचना मार्फत काठमाडौं महानगरपालिकाको ३३ वटै वडामा खोप लगाइने जनाकारी दिएको हो ।
पहिलो पटक लगाएको खोपको कार्ड देखाएर आफ्नो नगरपालीकामा गएर खोप लगाउन सकिने मन्त्रालयले जनाएको छ । आजबाट सुरु भएको दोस्रो डोजको खोप जेठ ११ गते सम्म सञ्चालन हुने पनि जारी सुचनामा भनिएको छ ।
काठमाडौं बुढानीलकण्ठ नगरपालिकाको २ ठाउँ, गोकर्णेश्वर नगरपालिकाको २ ठाउँ, टोखामा २ ठाउँ र नागार्जुन नगरपालिकाको २ ठाउँमा साथै कागेश्वरी मनहरा, दक्षिणकाली, तारकेश्वर र शंकरापुर नगरपालिकाको एकएक ठाउँमा कोरोना खोप केन्द्र तोकिएको छ ।
जनस्वास्थ्य मापदण्डको पूर्ण पालना हुने गरी १८–५९ वर्ष उमेरका व्यक्तिलाई बिहान १०–दिउँसो ४ बजेसम्म नजिकको खोप केन्द्रमा आउन अनुरोध गरिएको छ ।
