बलिउड अभिनेत्री करिश्मा कपुर लोलो कपुर खानदानको पहिलो छोरी थिईन् जस्ले फिल्म उद्योगमा नायिकाको रुपमा कदम राख्न सफल भएकी थिईन् । ९० को दशकका जब करिश्माले फिल्म खेल्ने निर्णय लिईन् त्यतिबेला दर्शकले उनलाई खुलेरै सहयोग गरेका थिए ।
उनले करियरको शुरुवातमा धेरै जसो रोमान्टिक र कमेडी फिल्म गरेकी थिईन् । उनको गोबीन्दा उर्फ चीची संग जोडी एकदमै रुचाइएको थियो । फ्यानहरुले चीची–लोलो को जोडीलाई एकदमै हिट समेत बनाए । उनको डान्स र एक्सप्रेशनले दर्शकको एकदमै मन जित्न सफल भएको थियो ।
उनले फिल्म उद्योगमा एकदमै खास स्थान बनाउन सफल भएकी थिईन् । करिश्माले माधुरी तथा श्रीदेबी जस्ता सुपरस्टारलाई समेत पछि पारेकी थिईन् । उनको फिल्मी स्टारडमलाई बहिनी करिना कपुर संग पनि दाँज्ने गरिएको छ । करिश्माले १७ बर्षको उमेरमा पिल्म उद्योगमा पाईला राखेकी थिईन् । प्रेम कैदी उनको पहिलो फिल्म थियो ।
१९९१ मा यो फिल्म रिलीज भएको थियो । उनको साथमा यो फिल्ममा साउथ एक्टर हरीशले खेलेका छन् । यो फिल्म तेलुगुको हिन्दी रिमेक थियो । मुरली मोहन रावले लेखेको तथा निर्देशन गरेको यस फिल्ममा उनले स्विमशुट लगाएकी थिईन् जस्ले बलिउडमा हलचल नै मच्चाई दिएको थियो । उनको फिगरलाई लिएर सबैले चर्चा गर्ने गरेका थिए ।
