काठमाडौं । पाल्पा जिल्लाको रिब्दिकोट गाउँपालिकाको ख्याहामा जुवातास, धुम्रपान, मद्यपान र लागूपदार्थ दुर्ब्यसनसम्बन्धी जनचेतनामूलक नाटक सम्पन्न भएको छ । भाईब्रेसन मिडिया, काठमाडौंको आयोजनामा सम्पन्न भएको नाटकमा कलाकारहरु रामचन्द्र अधिकारी, रोहनी लामा, सुरेश असिम, रोहित खत्री लगाएतको प्रस्तुती रहेको थियो ।
नाटकको लेखन तथा निर्देशन भाईब्रेसन मिडियाका प्रबन्ध निर्देशक बिष्णु गैरेले गरेका थिए । एक हजार बढी दर्शकको सहभागिता रहेको कार्यक्रममा रिब्दिकोट गाउपालिकाका अध्यक्ष , उपाध्यक्ष , प्रमुख प्रशासकीय अधिकृत लगायतको उपस्थिती रहेको थियो । नाटकले अत्यन्तै सकारात्मक छाप छोडेको र राष्ट्रीय कलाकारहरुको उपस्थितीले पर्यटकिय गन्तब्यस्थलको रुपमा बिकास हुँदै गैरहेको ख्याहाको पर्यटनमा समेत थप टेवा पुगेको वडाध्यक्ष चिरञ्जीवी पोख्रेलले बताएका छन ।
