काठमाडौँ- काठमाडौँको बालाजुस्थित एक सोफा फ्याक्ट्रीमा भीषण आगलागी भएको छ ।महानगरीय प्रहरी वृत्त बालाजुका प्रहरी नायब उपरीक्षक निर्मल बुढाथोकीका अनुसार बुधबार दिउँसो करिब ४ बजे आगलागी भएको हो ।
बालाजुको थ्रिडी सोफा फ्याक्ट्रीमा आगलागी भएपछि चार वटा दमकलले आगलागी नियन्त्रणको प्रयास गरिरहेको बताइएको छ । आगो निभाउनको लागि , नेपाल प्रहरी, सशस्त्र प्रहरी, स्थानीय लगायतले पानी ट्यांकरहरू पनि परिचालन गरिएको छ ।आगलागी को कारण भने खुलेको छैन ।
