काठमाडौं १३ साउन । गोकर्णेश्वर नगरपालिका ५ जोरपाटीस्थित तास खेलिरहेको अवस्थामा प्रहरीले १० जनालाई पक्राउ गरेको छ ।
पक्राउ पर्नेमा तास खेलाउने ४७ वर्षीय प्रेम तामाङ सहित १० जना रहेका छन् । अरुको नाम ठेगाना भने खुलाइएको छैन । विशेष सुचनाको आधारमा महानगरीय प्रहरी वृत्त बौद्धबाट खटिएको प्रहरीले नगद १ लाख ९७ हजार रुपैयाँ र ६ बुक तास सहित निजहरुलाई पक्राउ गरेको हो ।
यस सम्बन्धमा थप अनुसन्धान गरिरहेको प्रहरीले जनाएको छ ।
