काठमाडौं १३ साउन । अवैध लागूऔषध गाँजा सहित ६५ वर्षीय पुरुष पक्राउ परेका छन् । पक्राउ पर्नेमा २७ किलो गाँजासहित पटेर्वासुगौली गाउँपालिका ४ पटेर्वाटोल बस्ने ६५ वर्षीय बासुदेव माझी रहेका छन् ।
उनलाई ईलाका प्रहरी कार्यालय पटेर्वासुगौली पर्साबाट खटिएको प्रहरीले मंगलबार दिउँसो पक्राउ गरेको हो । अवैध लागूऔषध गाँजाको ओसारपसार भइरहेको खबरको आधारमा उक्त स्थान पुगेको प्रहरीले माझीलाई बोरामा बोकी ल्याउँदै गरेको उक्त गाँजा सहित फेला पारेको हो ।
अहिले उनीमाथि थप अनुशन्धान भइरहेको छ ।
