काठमाडौँ ११ साउन । कोरोना भाइरसको तेस्रो लहर आगामी असोज १५ देखि नेपालमा देखि सक्ने स्वास्थ्य मन्त्रालयले प्रक्षेपण गरेको छ ।
आज सोमबार बसेको मन्त्रालयको संसदको शिक्षा तथा स्वास्थ्य समिति बैठकमा मन्त्रालयकी सहसचिव गंगा लोहनीले यस्तो आंकलन गरेकी हुन् । कोरोनाको संक्रमण न्युन र उच्च हुुनुमा जनस्वास्थ्यका आधारभुत मापदण्डको स्तर , खोपको सहजीकरण तथा सामाजिक गतिविधिले प्रभाव पार्ने उनको तर्क रहेको थियो ।
बैठकमा नेपाल सरकारले कोभिडको लागि गरेको प्रयासहरुको समिक्षा गर्दै आगामी रणनीतिको विषयमा छलफल गर्ने क्रममा अगामी अशोज १५ बाट तेस्रो लहर सुरु हुन सक्ने भनिएको हो । आज मात्रै तिन हजार बढीमा संक्रमण पुष्टि भएको छ ।
