राज कुन्द्राको केस जटिल बन्दै गएको छ । प्रहरीले उनी बिरुद्ध एक पछि अर्काे प्रमाण फेला पारिरहेको छ । उनले पोर्नाेग्राफीको संजाल बिस्तार गरेको प्राप्त प्रमाणहरुले पुष्टि गरिरहेको घटनाका बिषयमा जाँच गरिरहेको मुम्बई प्रहरीको क्राइम ब्रान्चले दाबी गरेको छ ।
यसैक्रममा शिल्पाको घरमै गएर छापा समेत मारेको थियो । त्यहाँ बाट पनि केही कागजातहरु बरामद भएको छ । त्यसका अलावा क्राइम ब्रान्चको टीमले शिल्पा र उनका श्रीमान् राज कुन्द्रालाई आमने सामने राखेर ६ घण्टा भन्दा लामो सवाल जवाफ गरेको छ ।
सवाल जवाफका क्रममा शिल्पालाई अत्यन्तै आक्रमक प्रश्नहरु गरिएको थियो । उनलाई धेरै केरकार गरे पनि पोर्नाेग्राफीको बारेमा आफ्नो सहभागिता नरहेको जिकिर गरिन् । तर उनले घुमाउरो शैलीमा राजको एउटा बिषय भने स्वीकार गरेकी छिन् । शिल्पाले आफ्नो पति राज कुन्द्राले पोर्न फिल्म चाँहि नभएर एरोटीक अर्थात कामुक फिल्म भने बनाउने गरेको स्वीकार गरेकी हुन् ।
उनले आफ्नो पतिको बचाव गर्दै कामुक र पोर्न फिल्ममा अन्तर हुने जिकिर बारम्बार गरिरहीन् । राज कुनै पनि पोर्नको कन्टेन्ट संग कनेक्ट नरहेको उनले दाबी गरिन् । यस्तो दाबी गरिरहदा उनले हटशट एपका बारेमा भने अनबिज्ञता प्रकट गरिन् ।
आफुलाई राजको कम्पनीले पोर्न नभई वेब सीरीज र शर्ट मुभीहरु मात्र बनाउने गरेको मात्र थाहा भएको जिकिर गरिन् । प्रहरीले उनी संग थप सोधपुछ गर्न सक्ने भारतीय संचारमाध्यमहरुले जनाएका छन् ।
