बलिउड अभिनेत्री प्रियंका चोपडा अब हलिउड फिल्म उद्योगमा स्थान बनाउन सफल भईसकेकी छिन् । पति निक जोनस संग बिबाह गरेपछि अभिनेत्री प्रियंका लस एन्जलसमा शिफ्ट भईसकेकी छिन् । अब प्रियंका चोपडाले आफ्नो मुम्बई स्थित घर बिक्रि गरेकी छिन् ।
प्रियंका चोपडा धनी अभिनेत्री मध्ये एक हुन् । उनी संग भारतमा मात्रै धेरै सम्पत्ति रहेको छ । अब उनले आफ्नो २ वटा सम्पत्ति बिक्री गरेकी छिन् । यो बिक्रीको सबै डील उनकी आमा मधु चोपडाले गरेकी हुन् । भारतीय संचारमाध्यमका अनुसार प्रियंकाले २ अपार्टमेन्ट ७ करोडमा बिक्री गरेकी हुन् ।
उनको अपार्टमेन्ट मुम्बईको राज क्लासिक बर्साेवा स्थित थियो । यो बिक्रीको डील २६ मार्च २०२१ मा भएको थियो । यसअघि पनि प्रियंकाले आफ्नो केही सम्पत्ति बिक्री गरेकी थिईन् । २०२० मा उनले लोखण्डवाला कम्प्लेक्सको कारण अपार्टमेन्टमा स्थित आफ्नो घर बेचिदिएकी थिईन् । उनको मुम्बईको जुहुमा पनि एउटा घर रहेको छ । उनको गोवामा पनि एउटा घर रहेको छ ।
