भक्तपुर ८ साउन । बालिकालाई यौनदुर्व्यवहार गरेको अभियोगमा भक्तपुरमा एक पुरुषलाई प्रहरीले पक्राउ गरेको छ ।
पक्राउ पर्नेमा मध्यपुर ठिमी नगरपालिका ९ बोडे टिकनी बस्ने ५४ वर्षीय पूर्ण राजबाग रहेका छन् । ९ र १२ वर्षीया बालिकाहरुलाई यौन दुर्व्यवहार गरेको अभियोगमा राजबागलाई बिहीबार साँझ महानगरीय प्रहरी वृत्त ठिमीबाट खटिएको प्रहरीले पक्राउ गरेको हो ।
पक्राउ परेका राजबागमाथि थप अनुशन्धान भइरहेको प्रहरीले जनाएको छ ।
