काठमाडौं ७ साउन । नेपाली कांग्रेसले अब प्रधानमन्त्रीको सरकारी निवास बालुवाटारमा पार्टीको कुनै पनि बैठक नराख्ने भएको छ ।
कांग्रेसका महामन्त्री पूर्णबहादुर खड्काले आज सामाजिक सञ्जाल मार्फत विगतको परम्परालाई तोड्दै पार्टीको कुनै पनि बैठक बालुवाटारमा नगर्ने बताएका हुन् ।
‘विगतको गलत परम्परालाई तोड्दै अबदेखि नेपाली काँग्रेस पार्टीको औपचारिक बैठकहरु प्रधानमन्त्रीको सरकारी निवास बालुवाटारमा नगरिने ।’ खड्काले भनेका छन् ।
भोली साउन ८ गते बस्ने पार्टीको पदाधिकारी र पूर्वपदाधिकारी बैठक प्रधानमन्त्री शेरबहादुर देउवाको निवास बुढानीलकण्ठमा बस्ने समेत जानकारी दिएका छन् ।
