नेपालगञ्ज । खोलाको बाँधमा पौडी खेल्ने क्रममा डुबेर तीन युवाको मृत्यु भएको छ ।मृत्यु हुनेमा नेपालगन्ज उपमहानगरपालिका –११, सदरलाइनका १८ वर्षीय रसिद जसगढ, १७ वर्षीय अरमान जसगढ र १८ वर्षीय आरिस जसगढ रहेका छन् ।उनीहरु डुडुवा खोलाको बाँधमा पौडी खेल्न गएका थिए ।
उनिहरुसँगै रहेका ईरफान जसगढ र अहमन जसगढलाई प्रहरीले उद्धार गरेर जोगाउन सफल भएको कोहलपुरका डिएसपी रविन्द्र खनालले बताए ।
मुस्लिम समुदायको महान पर्व बकराईदका दिन कोहलपुर, १० मा रहेको उक्त स्थानमा रमाइलो गर्ने उदेश्यले युवाहरु पौडी खेल्न गएका थिए । पौडी खेल्ने क्रममा युवा डुबेको खबर पुग्ने वित्तिकै प्रहरी पुग्दा तीन जना मृत अवस्थामा फेला पारेका थिए ।
