काठमाडौं । सुन्दरी गायिका भावना आचार्यको तीज गीत आफ्नो घर आगनमा नाँच फरर सार्वजनिक हुने भएको छ । गायिका भावनाकै शब्द तथा संगीत रहेको गीतमा भावना र डेभिड शंकरको स्वर सुन्न सकिन्छ । गीतको भिडियोमा महानायक राजेश हमाल र मन्जु थापाको धमाकेदार अभिनय देख्न सकिन्छ ।
भिडियोमा महानायक हमाल र मोडल मन्जु गज्जबसँग खुलेका छन् । संभवत महानायक हमाल तीजको गीतमा अभिनय गरेको यो पहिलो पटक भएको गायिका भावना बताउँछिन् । भन्छिन् राजेश दाईलाई मैले राखेको प्रस्ताव सर्हष स्विकार गरेका कारण उहाँसँग कम गर्न निकै सजिलो भयो । भिडियो छमछम नचाउने खालको बनेका कारण यसले राम्रो बजार पाउने आशा भावनाको छ ।
भिडियोको निर्देशन देबेन्द्र पाण्डेले गरेका हुन भने कोरियोग्राफी पनि निर्देशक पाण्डे स्वयमकै रहेको छ । भिडियोको असिस्टेन्ट कोरियोग्राफी भने राजाराम सिंखडाले गरेका हुन् । भिडिायोको छायांकन उत्सब दाहालले गरेका हुन् । गायिका भावना आचार्यका यसअघि बग्ने खोला, मुलको पानी, चट्ट रातो सारीमा, टिकटक चलाउने, ‘उडी उडी आ सुवा’लगायतका गीतहरु बजारमा आइसकेका छन् ।
