काठमाडौं । मोडल तथा गायक दुर्गेश थापाले ‘साथी’ बोलको नयाँ गीत ल्याएका छन् । आफ्नै रचना, संगीत र स्वरमा दुर्गेशले साथी गीत ल्याएका हुन् । भिडिओको निर्देशन पनि उनी आफैंले गरेका छन् ।
गीतमा उनले गम्भीर गम्भीर सामाजिक मुद्दा उठाएका कारण पनि उनको गीतलाई मन पराइएको छ । भिडिओमा दुर्गेशसँगैकलाकार सागर लम्साल (बले), रवि गिरी, रीना ढकाल र टिकटकर तथा मोडल स्मारिका ढकालको अभिनय रहेको छ ।
कथित माथिल्लो जातकाले तल्लो जातको व्यक्तिलाई गर्ने जातीय विभेद नै भिडिओको मूल सार हो । भिडिओमा दुर्गेशले ‘दुर्गे दमाई’को भूमिका निभाएका छन् ।श्यामश्वेत रसाइलीको एरेन्ज रहेको गीतको भिडिओलाई उत्सव दाहालले खिचेका हुन् ।
