काठमाडौँ – चर्चित अभिनेत्री सुचन्द्रादास गुप्ताको मोटरसाइकल दुर्घटनामा परी दुखद मृत्यु भएको छ । बङ्गाली टिभी उद्योगकी अभिनेत्री गुप्ताकोशनिबार राति शुटिङबाट घर फर्किने क्रममा दुर्घटनामा परी मृत्यु भएको हो ।
उनले शुटिङबाट घर फर्किनका लागि राइड शेयरिङ एपमार्फत मोटरसाइकल बोलाएकी थिइन्। बाटोमा साइकल चालकले अचानक बाटो काटेपछि मोटरसाइकल चालकले ब्रेक लगाउँदा दुर्घटना भएको हो।
भारतिय मिडियाले उल्लेख गरे अनुसार उनी सबार मोटरसाइकललाई पछाडिबाट आएको ट्रकले ठक्कर दिएको थियो । मोटरसाइकलबाट झरेकी २९ वर्षीया सुचन्द्रालाई ट्रकले किचेपछि घटनास्थलमै मृत्यु भएको हो। सुचन्द्राले थुप्रै बङ्गाली टेलिभिजन शोमा काम गरेकी छिन्।
