बलिउडमा मिष्टर परफेक्सनिष्टको रुपमा चिनीएका आमिर खानले जब आफ्नी श्रीमती संग सम्बन्ध बिच्छेद गरे त्यहा देखी दर्शक तथा फ्यानहरु निराश देखीएका छन् । तर डिर्भाेस पछिको समयमा पनि उनीहरु साथै रमाईरहेको देखेपछि फ्यानहरुका लागि खुशी महशुस भएको छ ।
उनीहरु अहिले लाल सिंह चड्डाको शुटिंगको लागि लद्धाखमा रहेका छन् । दुबै जना साथै हाँसिरहेका तथा रमाईरहेको देखिएको छ । केही दिन अघि फिल्म शुटिंगका क्रममा संगै हाँस्दै गरेको फोटो सार्वजनिक भएको थियो । हाल आएर उनीहरु लद्धाखमै फिल्म शुटिंगको दौरानमा संगै नाचेको भिडीयो सामाजिक सञ्जालमा भाइरल भएको छ ।
उनीहरुले त्यहाँ एकदमै मस्ति गरेका छन् । उनीहरुलाई त्यहाँका गाउँलेहरुले स्वागत स्वरुप दिएको रिशेप्सन पार्टीमा उनीहरु लद्धाखबासीको पहिरनमा संगै नाचेका हुन् । आमिरले लद्दाखको परम्परागत वस्त्र कोस र सुल्मा लगाएर नाचेको भिडियो सार्वजनिक भएको छ । किरण पनि उनी सँगै परम्परागत पहिरनमा नाचेकी छन् ।
उक्त भिडीयोमा लद्दाख निवासीहरूले आमिरलाई लद्दाखी नृत्यको स्टेप सिकाइरहेको देख्न सकिन्छ । उनले गाउँलेहरुलाई आफ्नो स्वागतको लागि गरेको यस पार्टीका लागि धन्यबाद दिएका छन् । अद्वैत चन्दनको निर्देशनमा बनिरहेको लाल सिंह चड्ढामा आमिर खानसँगै नागा चैतन्य र करीना कपूर पनि देखिनेछन् । फिल्मको कथा हलिउड सुपरहिट फिल्म फरेस्ट गम्पमा आधारित रहेको छ । फिल्मको आधा भन्दा बढी शुट सकिईसकेको छ ।
