भारतमा जारी आइपीएल अन्र्तगत आज भएको लखनउ सुपर जायन्ट्स तथा चेन्नाई सुपर किंग्सबीचको खेल बर्षाका कारण रद्ध भएको छ । लखनउले घरेलु मैदान ऐकना स्टेडियममा भएको खेलमा चेन्नाईसँगको खेलमा अंक बाडेको हो । टस हारेर पहिले ब्याटिङ गरेको चेन्नाईले १९ दशमलब २ ओभरमा ७ विकेट गुमाएर १ सय २५ रन बनाएको अवस्थामा निरन्तर बर्षा भएको थियो ।
त्यसपछि खेल रोकिएको थियो । लखनउका लागि आयुष बदोनी ३३ बलमा २ चौका र ४ छक्काको साथमा ५९ रनको अर्धशतकीय ईनिङ खेलिरहँदा खेल रोकिनपुगेको थियो । विकेटकिपर ञसमेत रहेका निकोलस पुरन ३० बलमा २० रन बनाउँदै आउट भए । ओपनर कायल मेर्यसले १७ बलमा १४ तथा अर्का ओपनर मनन बोहोराले ११ बलमा १० रन बनाए ।
केएल राहुलको अनुपस्थितीमा टोलीको कप्तानी गरेका कुर्नाल पान्ड्या शुन्य रनमा आउट भए । चेन्नाईका लागि मथिशा पथिराना,महेश थिक्सना र मोईन अलिले समान २र२ तथा रविन्द्र जडेजाले १ विकेट लिए । दश खेलमा ५ जित र ४ हारका साथ १० टोली सहभागी लिगमा लखनउ ११ अंक सहित दोस्रो स्थानमा उक्लिएको छ ।दश खेलमा ५ हार र ३ जितका साथ चेन्नाई दोस्रो स्थानमा उक्लिएको छ ।
