एसीसी प्रिमियर कप क्रिकेट अन्तर्गत नेपाल र यूएईबीच आज भएको खेल खराब मौषमका कारण बिचमै स्थगित भए पछि भोलि हुने खेल हेर्न दर्शकले नयाँ टिकट किन्न नपर्ने भएको छ । नेपाल क्रिकेट संघ क्यानले आज टिकट खरीद गरेकाहरु लाई भोलि हुने बाँकी खेल निशुल्क हेर्ने दिने जनाएको छ ।
आज टिकट काटेका दर्शकहरुलाई पहिलो प्राथमिकता दिने यद्यपी ठाउँ बाँकी रह्यो भने अरु दर्शक तथा समर्थकले पनि निशुल्क हेर्न पाउने कार्यवाहक सचिव दुर्गाराज पाठकले जानकारी दिए । नेपाल विरुद्ध भोलि यूएईले २७.३ ओभरमा ९ विकेट गुमाएर १०६ रन बनाएको स्थितिबाट अघि खेल्न थाल्ने छ ।
