चेन्नाई सुपर किंग्सलाई हराउँदै पन्जाब किंग्सले भारतमा जारी ईन्डियन प्रिमियर लिग आईपीएलमा रोमान्चक जित हात पारेको छ । चेन्नाईको घरेलु मैदान एम ए चिदम्बरम स्टेडियममा आईतबार भएको खेलमा ४ विकेटले विजयी भएको हो । चेन्नाईले दिएको २ सय १ रनको लक्ष्य पछ्याएको पन्जाबले २० औं ओभरको अन्तिम बलमा ४ विकेट गुमाएर पूरा गर्यो । पन्जाबका लागि ओपनर प्रभसिमरन सिंहले ४२ रन बनाए ।
लियम लिविङ्गस्टोनले ४० रन बनाए । साम करनले २० बलमा १ चौका र १ छक्काको सहयोगमा २९ रन बनाए । लियम र करनले चौथो विकेटका लागि ३३ बलमा ५७ रनको सानदार साझेदारी गरे ।कप्तान शिखर धवनले १५ बलमा ४ चौका र १ छक्काको सहयोगमा २८ रन बनाए । पन्जाबलाई अन्तिम ओभरमा ९ रनको आवश्यकता थियो । बलिङमा मथिशा पथिराना आएकोमा पहिलो बलमा सिकन्दर राजाले १ रन लिएका थिए ।
दोस्रो बलमा साहरुख खानले १ रन बनाएका थिए । तेस्रो बलमा सिकन्दर राजाले डट खेले । चौथो बलमा राजाले २ रन लिए । पाँचौ बलमा राजाले पुन २ रन लिए छैटौं बलमा राजाले तीन रन लिए सँगै जित निश्चित गरे । चेन्नाईका लागि तुसार देशपान्डेले ३ तथा रविन्द्र जडेजाले २ विकेट लिए । मथिशा पथिरानाले १ विकेट लिए ।
त्यसअघि टस जितेर पहिले ब्याटिङ गरेको चेन्नाईले निर्धारित २० ओभरमा ४ विकेट गुमाएर २ सय रन बनाएको थियो । चेन्नाईका ओपनर डेभोन कन्वेले ५२ बलमा १६ चौका र १ छक्काको सहयोगमा ९२ रनको अर्धशतकीय ईनिङ खेले । पन्जाबका लागि सिकन्दर राजा,साम करन,अर्शदिप सिंह र राहुल चहरले समान १-१ विकेट लिए ।
