काठमाडौं । ‘छक्कापञ्जा ४’ मा समावेश गीत ‘दर्शन सलाम’लाई दुई महिनामा दुई करोडभन्दा बढी पटक हेरिएको छ । डेभिड शंकर र साहिमा श्रेष्ठको स्वर रहेको गीतमा जेन्द्र थापाको शब्द रचना, दीपक शर्माको संगीत रहेको छ ।
पार्टी, भोज र समारोहमा समेत खुबै रुचाइएको यो गीत टिकटक र फेसबुक रिल्समा समेत निकै भाइरल बनेको छ । गीतलाई धेरैले मन पराएका छन् । त्यस्तै ‘छक्कापञ्जा ४’ कै अर्को गीत ‘सिरुपाते जुँगामालाई अहिलेसम्म ७० लाख पटक हेरिएको छ । यसै गरी छक्कापञ्जा शृंखलाको ‘पूर्वपश्चिम रेल’लाई ६ करोडभन्दा बढी पटक हेरिएको छ ।
‘पछि उमेर ढल्किन्छ’लाई १ करोड २० लाख पटक हेरिएको छ । दीपकराज गिरी आगामी नयाँ फिल्मको छायांकन भदौदेखि थाल्ने तयारीमा छन् भने यसको रिलिज आगामी फागुनमा गर्ने योजना रहेको बताइएको छ । फिल्ममा कलाकाहरु भने फाइन भइसकेका छैनन् ।
