जर्मन बुन्डेसलिगा फुटबलमा शीर्ष स्थानको बायर्न म्युनिख मैन्ज संग पराजित भएको छ । शनिबार राति भएको खेलमा बायर्नलाई मैन्जले ३-१ गोल अन्तरले पराजित गरेको हो । बार्यनले सुरुआती एक गोलको अग्रता जोगाउन नसक्दा पराजय भोग्नु परेको हो । खेलको २९ औं मिनेटमा साडियो मानेले गोल गर्दै बायर्नलाई सुरुआती अग्रता दिलाएका थिए ।
तर, ६५ औं मिनेटमा लुडोभिचले गोल गर्दै मैन्जलाई १-१ गोलको बराबरीमा ल्याए ।खेलको ७३ औं मिनेटमा लिन्ड्रो बारिरोले गोल गर्दै मैन्जलाई २-१ को अग्रता दिलाए ।त्यसपछि खेलको ७९ औं मिनेटमा आरोन कारिकोलले गोल गर्दै मैन्जलाई ३-१ को जित दिलाए ।जितसँगै मैन्जले २९ खेलमा ४५ अंक जोडेको छ । मैन्ज छैटौं स्थानमा रहेको छ ।बायर्नले ५९ अंक जोडेको छ ।
