राजधानीमा जारी एसीसी प्रिमियर कपमा नेपालले भोली दोस्रो खेल खेल्दैछ । भोलीको दोस्रो खेलमा नेपालले ओमानसँग खेल्दैछ । टियु क्रिकेट मैदानमा शुक्रबार बिहान नौ बजेबाट खेल सुरु हुनेछ । प्रतियोगिताको दोस्रो खेल खेल्न लागेका दुवै राष्ट्र दोस्रो जितको खोजीमा रहेका छन् । प्रतियोगिताको उद्घाटन अर्थात पहिलो खेलमा नेपालले मलेसियालाई पराजित गरेको थियो ।
उता बुधबार भएको आफ्नो पहिलो खेलमा ओमानले कतारलाई पराजित गरेको थियो । समूह चरणको अन्य खेल एकदिवसीय मात्रका भए पनि यो खेल भने एकदिवसीय अन्तराष्ट्रिय ओडिआई मान्यता प्राप्त हुनेछ । यो खेल नेपालको ५० औं ओडिआई खेल रहेकोले यो खेल नेपालको लागि बिशेष रहनेछ ।
नेपाल र ओमानबीच ओडिआई खेलमा धेरै पटक प्रतिस्पर्धा भएको छ । दुई टिमका बीच ओडिआई खेलमा ६ पटक भेट भएकोमा ओमान ४ पटक विजयी हुँदा नेपालले २ खेलमा विजयी भएको छ ।
