इंग्लिस प्रिमियर लिग फुटबलमा म्यानचेस्टर युनाईटेडले नटिङघम फरेस्टमाथि सहज जित निकालेको छ ।आइतबार राति भएको खेलमा युनाईटेडले नटिङघम फरेस्टलाई २-० गोल अन्तरले हराएको हो ।युनाईटेडको जितमा एन्टोनी र डिएगो डालोटले एक एक गोल गरे ।
खेलको ३२ औं मिनेटमा एन्टोनीले गोल गर्दै युनाईटेडलाई सुरुआती अग्रता दिलाएका थिए ।त्यसपछि खेलको ७६ औं मिनेटमा डालोटले गोल गर्दै युनाईटेडको जित पक्का गरे ।जितसँगै युनाईटेडले ३० खेलमा ५९ अंक जोडेको छ ।युनाईटेड तेस्रो स्थानमा रहेको छ । फरेस्ट २७ अंक जोडेर १८ औं स्थानमा रहेको छ ।
