इंग्लिस प्रिमियर लिग फुटबलमा टोटेनहम बर्नेमाउथसंग पराजित भएको छ ।शनिबार राति भएको खेलमा टोटेनहमलाई बर्नेमाउथले ३-२ गोल अन्तरले पराजित गरेको हो । बर्नेमाउथको जितमा माटियस भिना, डोमिनिक सोलान्के र डान्गो ओटाराले एक एक गोल गरे ।टोटेनहमका सन ह्युङ मिन र अर्नुट डान्जुमाले एक एक गोल फर्काए ।
जितसँगै बर्नेमाउथले ३१ खेलमा ३३ अंक जोडेको छ । बर्नेमाउथ १४ औं स्थानमा रहेको छ ।पाँचौं स्थानको टोटेनहमले ३१ खेलमा ५३ अंक जोडेको छ ।अर्को खेलमा उल्भ्सले ब्रेन्टफोर्डलाई २-० ले हराएको छ । क्रिस्टल प्यालेसले साउथह्याम्पटनलाई २-० र फुलहमले एभर्टनलाई ३-१ ले हराएको छ ।
