काठमाडौं, चैत ३० -भारतीय राज्य गुजरातमा मोबाइलमा भिडिओ बनाउने क्रममा एक जना नेपाली युवाको मृत्यु भएको छ । मृत्यु हुनेमा प्रकाशमंगल बिक रहेका छन् । बिकको मंगलबार रेलको ठक्करबाट मृत्यु भएको हो।टाइम्स अफ इन्डियाका अनुसार रेलको भिडिओ बनाउन लागेका प्रकाशमंगल बिकलाई रेलले ठक्कर दिएको थियो ।
एक साताअघि कामको खोजीमा गुजरात पुगेका बिकले पहिलो पटक रेल देखेपछि उत्साही हुँदै भिडिओ बनाउन खोजेका थिए।उनको नेपालको ठेगाना स्पष्ट खुलाइएको छैन।
