के ब्रस गर्दा मधुमेहको जोखिम कम हुन्छ ? तपाईलाई सुन्दा अनौठो लाग्न सक्छ तर हालै गरिएको एक अनुसन्धानमा एउटा अचम्मको कुरा बाहिर आएको छ । यस अनुसन्धानका अनुसार दिनमा कम्तीमा तीन पटक ब्रस गर्दा टाइप २ मधुमेहको जोखिम कम हुन्छ । मेटाबोलिक डिसअर्डरले मुखको स्वास्थ्यलाई असर गर्ने अनुसन्धानले पनि देखाएको छ।
यद्यपि, दाँतको समस्या र मधुमेह बीचको सम्बन्धको बारेमा थप अनुसन्धान आवश्यक छ। आउनुहोस् जानौं दाँतको समस्या र मधुमेहबीचको सम्बन्ध। वास्तवमा गिजामा हुने रोगलाई मेडिकल भाषामा पिरियडोन्टाइटिस भनिन्छ। यो रोग गिजा र हड्डीमा ब्याक्टेरिया संक्रमणको कारण हुन्छ। यसको समयमै उपचार गरिएन भने दाँतको दुखाइ बढ्न सक्छ ।
गिजाको रोग भएका मानिसहरूको रगतमा इन्फ्लेमेटरी मार्करको मात्रा बढी हुन्छ। यसले इन्सुलिन संवेदनशीलता घटाएर रगतमा चिनीको मात्रा बढाउन सक्छ। स्वास्थ्य विज्ञहरूका अनुसार यसबारे केही भन्नुअघि थप अनुसन्धान आवश्यक छ । मुखको समस्याका कारण मधुमेहको समस्या हुनसक्ने भएतापनि गिजाको रोग भएमा मधुमेहको जोखिम बढी हुने केही अनुसन्धानमा देखिएको छ ।
अनुसन्धानमा यी कुराहरू पनि पत्ता लागेको छ कि मधुमेह भएका मानिसहरूमा दाँतको समस्याको जोखिम पनि धेरै हुन्छ। अनुसन्धानका अनुसार मधुमेहले मुखमा रहेको लाल ग्रंथिलाई असर गर्न सक्छ। जसका कारण कम लार आउन थाल्छ । यो यस्तो पदार्थ हो, जसका कारण दाँत सड्दैन र ब्याक्टेरिया पनि बढ्दैन । यही कारणले गर्दा र्यालमा ग्लुकोजको मात्रा उच्च हुँदा दाँतको स्वास्थ्यमा पनि प्रभाव देखिन्छ।
