काठमाडौँ २९ असार । नेकपा एमालेका नेता भीम रावलले राष्ट्र र जनताको स्वाभिमान, स्वतन्त्रता र समृद्धिका लागि राजनीति केन्द्रीत रहेन भने त्यसका परिणाम कति गम्भीर र घातक हुँदा रहेछन् भन्ने छर्लङ्ग भएको बताएका छन् ।
सर्वोच्च अदालतको फैसला र गत वर्षयताका घटनाक्रमबाट सबैले पाठ सिक्नु पर्छ भन्दै नेता रावलले सबैलाई चेताना भया भनेका छन् । रावलले गत वर्ष यता प्रधानमन्त्री केपी शर्मा ओलीले गरेको दुई पटकको संसद विघटनले कति गम्भीर र घातक असर गर्यो भन्दै सबैलाई यसबाट पाठ सिक्न पनि आग्रह गरेका छन् ।
‘सर्वोच्च अदालतको फैसला र गत वर्षयताका घटनाक्रमबाट सबैले पाठ सिक्नु पर्छ, ‘राष्ट्र र जनताको स्वाभिमान, स्वतन्त्रता र समृद्धिका लागि राजनीति केन्द्रीत रहेन भने त्यसका परिणाम कति गम्भीर र घातक हुँदा रहेछन् भन्ने छर्लङ्ग भएको छ, सबैलाई चेतना भया ।’
